Шүүхийн ерөнхий зөвлөл, Цагдаагийн ерөнхий газрын Нийтийн хэв журам хамгаалах, олон нийтийн аюулгүй байдлыг хангах алба, Нийслэлийн Онцгой байдлын газрын Гал түймэртэй тэмцэх хэлтсийн хамтарсан ажлын хэсэг Нийслэл дэх анхан болон давж заалдах шатны шүүхийн барилга, байгууламжийн аюулгүй байдал, техник, тоног төхөөрөмжийн хэвийн ажиллагаа болон холбогдох хууль тогтоомж, дүрэм журмын хэрэгжилттэй биечлэн танилцах, гамшгаас урьдчилан сэргийлэх талаар авч хэрэгжүүлэх төлөвлөгөө, ажлын санал боловсруулж танилцуулах чиг үүрэг бүхий ажлын хэсэг 2025 оны 02 дугаар сарын 19-ний өдөр Нийслэл дэх анхан шатны шүүхийн байранд ажиллаж, холбогдох хууль тогтоомж, дүрэм журмын хэрэгжилттэй танилцлаа.

   Уулзалтад Нийслэл дэх Захиргааны хэргийн анхан шатны шүүхийн Ерөнхий шүүгч, Н.Дуламсүрэн, шүүхийн Тамгын газрын дарга Н.Батхүү, Зохион байгуулалтын хэлтсийн дарга Н.Амаржаргал, ажлын хэсгийн бүрэлдэхүүнд Шүүхийн ерөнхий зөвлөлийн Шүүгчийн хараат бус, шүүхийн аюулгүй байдлыг хангах газрын дарга  Х.Билгүнзаяа, Шүүхийн аюулгүй байдал, стандарт хариуцсан референт Ц.Амарсанаа, Цагдаагийн ерөнхий газрын Нийтийн хэв журам хамгаалах, олон нийтийн аюулгүй байдлыг хангах албаны Шүүх, шүүгчийн аюулгүй байдлыг хангах хэлтсийн дарга, цагдаагийн хурандаа Т.Баатар, Нийслэлийн Онцгой байдлын газрын гамшгийн шуурхай удирдлагын хэлтсийн ахлах мэргэжилтэн З.Бямбадорж нар байлцав.

   Ажлын хэсгийн гишүүд шүүхийн барилга, байгууламжийн аюулгүй байдал, техник, тоног төхөөрөмжийн хэвийн ажиллагаатай танилцаж заавар, зөвлөмж өгч, харилцан санал солилцлоо.

НИЙСЛЭЛ ДЭХ ЗАХИРГААНЫ ХЭРГИЙН АНХАН ШАТНЫ ШҮҮХИЙН ТАМГЫН ГАЗАР