Нийслэл дэх Захиргааны хэргийн анхан шатны шүүхийн Тамгын газрын архивын үйл ажиллагаатай 2025 оны 03 дугаар сарын 25-ны өдөр архивын үйл ажиллагаа, байрны нөхцөл байдалтай танилцав.

     Ажлын хэсгийн гишүүдэд шүүхийн Тамгын газрын дарга Н.Батхүү Шүүхийн архивын үйл ажиллагаа, архивын баримтын хадгаламжийн сангийн данс бүртгэл, хэрэгжүүлж буй ажил болон цаашид хийхээр төлөвлөж буй үйл ажиллагааны талаар товч мэдээлэл өглөө.

     Шүүхийн Ерөнхий зөвлөлийн Захиргааны удирдлагын газрын дарга Л.Санжрагчаа, Шүүхийн тусгай архивын дарга Ш.Отгонцэцэг, Шүүхийн тусгай архивын Арга зүйч Л.Өнөртуяа нар тус шүүхийн Тамгын газрын архивын үйл ажиллагаа бүрэн бүтэн байдал, Архивын баримтын хадгалалт, хамгаалалт, бүрэн бүтэн байдал хангагдсан эсэх, Архивын өрөө тасалгаа, хадгаламжийн сангийн аюулгүй байдал хангасан эсэх, Хадгаламжийн нэгжид данс, бүртгэл үйлдсэн эсэх, Гэмтэл, хуучралт үүссэн, сэлбэн засах, сэргээн шинэтгэх, био гэмтэлтэй баримтыг тусгаарласан эсэх зэрэгтэй танилцлаа.

Нийслэл дэх Захиргааны хэргийн анхан шатны шүүхийн Тамгын газар