Бүгд Найрамдах Социалист Вьетнам Улсын Шүүхийн академийн Ерөнхийлөгч Нгуен Шуан Тху, Шүүхийн академийн Захиргаа, удирдлага, гадаад харилцааны хэлтсийн дарга Нгуен Тхи Фонг Лан, Шүүхийн академийн Сургалт хариуцсан дэд дарга Нгуен Тхи Тху Хонг, Шүүхийн академийн шүүгч, прокурор, хуульчдын ерөнхий боловсролын тэнхимийн дэд захирал Нго Ти Нгок Ван, Шүүхийн академийн хуульчдын сургалтын тэнхимийн дэд захирал Тонг Тхи Танх, Шүүхийн академийн Чанарын үнэлгээ, хяналт, шалгалтын төвийн захирал Ву Тхи Тху Хиен нарыг Нийслэл дэх Захиргааны хэргийн анхан шатны шүүхийн Ерөнхий шүүгч Н.Дуламсүрэн, Тамгын газрын дарга Н.Батхүү, шүүгч нарын төлөөлөл 2025 оны 05 дугаар сарын 07-ны өдөр хүлээн авч уулзав.

   Уулзалтад Шүүхийн академийн Сургалтын төвийн дарга Г.Халиунаа, Шүүхийн академийн Эрдэмтэн нарийн бичгийн дарга Б.Дөлгөөн, Улсын Дээд шүүхийн Гадаад харилцаа, хамтын ажиллагааны албаны дарга Д.Тулга нар байлцлаа.

   Ирсэн зочид төлөөлөгчдөд тус шүүхийн Ерөнхий шүүгч Н.Дуламсүрэн шүүхийн бүтэц, орон тоо, шүүхийн онцлог, нутаг дэвсгэрийн харьяалал, хэргийн хөдөлгөөний зарим тоон мэдээллийн танилцуулга хийв.

   Уулзалтын төгсгөлд Тамгын газрын дарга Н.Батхүү зочдод шүүхийн байрыг танилцуулав. 

НИЙСЛЭЛ ДЭХ ЗАХИРГААНЫ ХЭРГИЙН АНХАН ШАТНЫ ШҮҮХИЙН ТАМГЫН ГАЗАР