Монгол Улсын шүүхийн тухай хуульд бүх шатны шүүхийн шүүгчдээс бүрдсэн

Нийт шүүгчийн чуулганыг хоёр жил тутам зохион байгуулахаар заасны дагуу III чуулганы бэлтгэл ажил үе шаттай явагдаж байна.

НИЙТ ШҮҮГЧИЙН ЧУУЛГАНААР :

ШЕЗ, Сахилгын хорооны тайланг сонсож, ШЕЗ-ийн шүүгч гишүүнийг сонгох талаар,

Шүүх эрх мэдлийн хүрээнд дагаж мөрдөх хууль тогтоомжийг боловсронгуй болгох, хууль хэрэглээний нэгдмэл байдлыг хангах талаар,

Хэрэг, нэхэмжлэл, гомдол, хүсэлт хүлээн авах, хуваарилах болон хэрэг, маргааныг хянан шийдвэрлэх шүүгч, шүүх бүрэлдэхүүнийг сугалаагаар томилох нийтлэг журамд нэмэлт, өөрчлөлт оруулах талаар;

Шүүхийн үйл ажиллагаатай холбоотой буюу шүүхийн бүтэц, зохион байгуулалт, төсөв, ил тод нээлттэй байдал, цахимжилт, Шүүгчийн хараат бус байдал, ёс зүй, аюулгүй байдал, ажлын ачаалал болон бусад холбогдох асуудлыг хэлэлцдэг билээ.

   ШЕЗ, Сахилгын хорооны шүүгч гишүүнийг сонгохоос бусад, хэлэлцэн шийдвэрлэх дээрх асуудлыг “Нийт шүүгчийн чуулганы дэг”-ийн 3.3-т заасны дагуу шүүгч нараас ирүүлсэн саналыг үндэслэн чуулганыг зохион байгуулах Ажлын хэсэг урьдчилан тодорхойлох журамтай.

  Иймд Нийт шүүгчийн III чуулганаар хэлэлцэн шийдвэрлэх асуудлыг Монгол Улсын шүүхийн тухай хуулийн 20.2.2, 20.2.4, 20.2.5 дахь заалтад заасны дагуу тус тусын шүүхийн Шүүгчдийн зөвлөгөөнөөр хэлэлцэж, шүүгч нарын гаргасан үндэслэл бүхий саналыг хавсралт дахь хүснэгтийн дагуу нэгтгэн 2025 оны 05 дугаар сарын 30-ны өдөрт багтаан admin@judges.mn цахим шуудангаар ирүүлэхийг бүх шатны шүүхийн Ерөнхий шүүгч болон шүүгч нарт мэдэгдье

Нийт шүүгчийн III чуулганыг зохион байгуулах АЖЛЫН ХЭСЭГ

Нийт шүүгчийн чуулганы үйл ажиллагаатай холбоотой мэдээ мэдээллийг дараах холбоос дээр дарж уншина уу