МЭДЭГДЭЛ

2020.11.12

Монгол улсын Засгийн газар, Улсын онцгой комиссоос 2020 оны 11 дүгээр сарын 11-ний өдөр гаргасан шийдвэрийн дагуу улсын хэмжээнд гамшгаас хамгаалах бүх нийтийн бэлэн байдлын зэрэгт шилжүүлсэн тул тус шүүхэд 2020 оны 11 дүгээр сарын 17-ны өдрийн 06:00 цаг хүртэлх хугацаанд товлон зарласан шүүх хуралдаануудыг хойшлуулсан бөгөөд Шүүхийн ерөнхий зөвлөлийн 2020 оны 11 дүгээр сарын 12-ны өдрийн 01/1304 тоот албан бичгээр ирүүлсэн зөвлөмжийн дараах арга хэмжээг авч хэрэгжүүлж байна. Үүнд:

1. Тус шүүхэд гаргаж буй нэхэмжлэл, өргөдөл, гомдол, хүсэлт, албан бичгийг баталгаат шуудан болон zakhirgaa_tg@shuukh.mn и-мэйл хаягаар хүлээн авах
2. Тендерийн тодорхойлолт авах хүсэлт /албан тоот, байгууллагын улсын бүртгэлийн гэрчилгээний хуулбар, төлбөр төлсөн баримт-1ш тодорхойлолт 10,000 төгрөгийг 100900005001 тоот төрийн сан банкны дансанд тушаасан баримтын хуулбар/-ийг баталгаат шуудан болон PDF форматаар zakhirgaa_tg@shuukh.mn и-мэйл хаягаар хүлээн авах
3. Шаардлагатай тохиолдолд нэхэмжлэл, өргөдөл, гомдол, хүсэлт, албан бичгийг биечлэн авч ирэх, шүүхийн үйлчилгээ авах бол тус шүүхийн Тамгын газрын даргын баталсан цагийн хуваарийн дагуу халдвар хамгааллын дэглэмийг чанд сахин үйлчлүүлэх
4. Шүүхийн байранд биеэр ирж үйлчилгээ авахаас аль болох татгалзаж, хэргийн материалтай холбоотой болон бусад асуудлаар асууж тодруулах зүйлийг шүүгчийн туслах, холбогдох мэргэжилтний утсаар холбогдож тодруулах
5. Шүүхийн үйлчилгээний талаарх мэдээллийг 99283459 /мэдээлэл лавлагааны мэргэжилтэн/, 86229944 /бичиг хэрэг/ дугаарын утаснаас тодруулах

ЖИЧ: Шуудангаар болон байгууллагын и-мэйл хаягаар илгээсэн нэхэмжлэл, хүсэлт, баримт бичигт өөрийн хаяг, холбоо барих утасны дугаараа тодорхой бичиж ирүүлнэ үү.

Иймд үүсээд байгаа нөхцөл байдалд уялдуулан гаргасан шийдвэрт хүндэтгэлтэй хандаж, өөрийгөө болон бусдын эрүүл мэндийг сахин хамгаалж, хамтран ажиллахыг уриалж байна.

НИЙСЛЭЛ ДЭХ ЗАХИРГААНЫ ХЭРГИЙН АНХАН ШАТНЫ

ШҮҮХИЙН ТАМГЫН ГАЗАР