Нийслэл дэх Захиргааны хэргийн анхан шатны шүүхийн Тамгын газрын төлөвлөгөөнд тусгагдсан албан хаагчийг чадавхжуулах дотоод сургалтыг 2025 оны 09 дүгээр сарын 23-ны өдөр зохион байгуулаа.

   Сургалтыг шүүхийн шүүгч Т.Гангэрэл “Нэхэмжлэлийн шаардлага түүний үндэслэл”  сэдвийн хүрээнд зохион байгуулж Тамгын газрын шүүгчийн туслах, шүүх хуралдааны нарийн бичгийн дарга нар хамрагдлаа.

   Уг сургалтаар Захиргааны хэрэг шүүхэд хянан шийдвэрлэх тухай хуулийн 52 дугаар зүйлд заасан нэхэмжлэлийн шаардлагын төрлүүдийг Захиргааны хэрэг шүүхэд хянан шийдвэрлэх тухай хуулийн 106 дугаар зүйлийн 106.3-т заасан захиргааны хэргийн шүүхээс гаргах шийдвэрийн төрлүүдтэй хэрхэн уялдуулж шийдвэрлэх болон хүчингүй болгох, тогтоох, даалгах нэхэмжлэлийн шаардлагуудыг шүүх хүлээн авч шийдвэрлэхдээ урьдчилсан нөхцөлүүдийг хэрхэн тогтоох, анхаарах шаардлагатай асуудлуудын талаар жишээн дээр тайлбарласан үр дүнтэй сургалт болж өндөрлөлөө.

НИЙСЛЭЛ ДЭХ ЗАХИРГААНЫ ХЭРГИЙН АНХАН ШАТНЫ ШҮҮХИЙН ТАМГЫН ГАЗАР