Бүгд Найрамдах Солонгос улсын Сөүлийн Хойд дүүргийн анхан шатны шүүхийн Ахлах шүүгч Кан У Чан, Инчон анхан шатны шүүхийн шүүгч Хон Сун Гон, “DLG” хууль зүйн фирм Үүсгэн байгуулагч, Өмгөөлөгч Жо Вон Хи,  “DLG” хууль зүйн фирм Олон нийтийн эрх зүйн төвийн захирал, өмгөөлөгч Ём Хён Гүк, “DLG” хууль зүйн фирм Олон нийтийн эрх зүйн төвийн дэд захирал Ким Ган Вон , “Каннам” хууль зүйн фирм Партнер өмгөөлөгч  Ким Жэ Ван, Гүжувон хуулийн байгууллагын гүйцэтгэх захирал, хуульч Юн Чанин нарыг Нийслэл дэх захиргааны хэргийн анхан шатны шүүхийн шүүгчдийн төлөөлөл болон Тамгын газрын дарга 2025 оны 10 дугаар сарын 02-ны өдөр хүлээн авч уулзлаа.

   Ирсэн зочид төлөөлөгчдөд тус шүүхийн Ерөнхий шүүгч Н.Дуламсүрэн шүүхийн бүтэц, орон тоо, шүүхийн онцлог, нутаг дэвсгэрийн харьяалал, хэргийн хөдөлгөөний зарим тоон мэдээллийг танилцуулж, зочдын сонирхсон асуултад хариулт өглөө.

НИЙСЛЭЛ ДЭХ ЗАХИРГААНЫ ХЭРГИЙН АНХАН ШАТНЫ ШҮҮХИЙН ТАМГЫН ГАЗАР