Шүүхийн ерөнхий зөвлөлөөс зохион байгуулж буй “Шүүхийн захиргааны ажилтан бэлтгэх сургалт”-д Нийслэл дэх Захиргааны хэргийн анхан шатны шүүхийн Ерөнхий шүүгч Т.Мөнх-Эрдэнэ 2025 оны 11 дүгээр сарын 17-ны өдөр “Захиргааны хэргийн анхан шатны шүүхийн шийдвэр, шүүгчийн захирамж боловсруулах аргачлал”, “Судалгааны арга зүй” сэдвүүдээр хичээл заалаа.

Тус сургалтын гол зорилго нь шүүхийн захиргааны шинэ боловсон хүчнийг бэлтгэх,  суралцагчдад хэрэг хянан шийдвэрлэх ажиллагааны анхан шатны мэдлэг олгох, албан үүргийг хэрэгжүүлэхэд шаардлагатай суурь ойлголт, чадварыг эзэмшүүлэхэд оршино.

Уг сургалтад хууль зүйн их, дээд сургуулийг Эрх зүйч мэргэжлээр төгссөн нийт 50 суралцагч хамрагдав.

 НИЙСЛЭЛ ДЭХ ЗАХИРГААНЫ ХЭРГИЙН АНХАН ШАТНЫ ШҮҮХИЙН ТАМГЫН ГАЗАР