Нийслэл дэх Захиргааны хэргийн анхан шатны шүүхийн Тамгын газрын Хэргийн хөдөлгөөн удирдлагын хэлтсийн дарга Н.Амаржаргал, Олон нийттэй харилцах мэргэжилтэн Б.Төгсбуянжаргал, Архивч Н.Оюунбилэг, Мэдээлэл технологийн инженер Б.Хангал нар нь шинээр томилогдсон шүүгчийн туслах А.Ундрал, Э.Болортуяа, Б.Анударь, Б.Баянзул, М.Даваасүрэн, шүүх хуралдааны нарийн бичгийн даргаар томилогдсон И.Маргад-Эрдэнэ, Б.Хүслэн, М.Алтантуул нарт 2026 оны 01 дүгээр сарын 30-ний өдөр сургалт орлоо.

Уг сургалтаар шинээр томилогдсон ажилтнуудад Захиргааны хэргийн хөдөлгөөний нийтлэг аргачлал, Шүүгчийн туслахын албан тушаалын тодорхойлолтод заасан чиг үүрэг, “Live.mn” шүүх хуралдааны явцыг мэдээлэх цахим систем хөтлөх ажиллагаа, Архив, албан хэрэг хөтлөлт, аргачлал, Шүүхийн шийдвэрийг цахим санд байршуулах журам, хувийн мэдээлэл нууцлах, Шүүх хуралдааны тэмдэглэл хөтлөх, Шүүх хуралдааны бэлтгэл, техник зохион байгуулалтыг хангах асуудлуудын талаар дэлгэрэнгүй тайлбарлаж мэдээлэл өглөө.

Шинээр томилогдсон албан хаагч нартаа  цаашдын ажилд нь өндөр амжилт хүсье.

НИЙСЛЭЛ ДЭХ ЗАХИРГААНЫ ХЭРГИЙН АНХАН ШАТНЫ ШҮҮХИЙН ТАМГЫН ГАЗАР