Нийслэл дэх Захиргааны хэргийн анхан шатны шүүхийн Тамгын газар, Баянзүрх дүүргийн Засаг даргын тамгын газартай хамтран Шүүхийн иргэдийн төлөөлөгч нарт зориулсан иргэдийн төлөөлөгчдийн эрх зүйн мэдлэгийг дээшлүүлэх, захиргааны хэргийн шүүхийн үйл ажиллагааг танилцуулах сургалтыг 2026 оны 04 дүгээр сарын 16-ны өдөр зохион байгууллаа.

   Уг сургалтаар шүүхийн Тамгын газрын Зохион байгуулалтын хэлтсийн дарга Ц.Оюун-Эрдэнэ, Шүүгчийн туслах М.Мөнхцэцэг, И.Маргад-Эрдэнэ нар Захиргааны хэргийн шүүхийн онцлог, чиг үүрэг болон шүүхэд иргэдийн төлөөлөгчөөр оролцоход тавигдах шаардлага зэрэг холбогдох зөвлөгөө мэдээллийг өгч ажиллалаа.

   Сургалтад Баянзүрх дүүргийн хороодоос Улсын бүртгэлийн нэгдсэн системээс санамсаргүй түүврийн аргаар сонгогдсон 50 шүүхийн иргэдийн төлөөлөгчид оролцов.

НИЙСЛЭЛ ДЭХ ЗАХИРГААНЫ ХЭРГИЙН АНХАН ШАТНЫ ШҮҮХИЙН ТАМГЫН ГАЗАР