Монгол Улсын Ерөнхийлөгчийн 2022 оны 05 дугаар сарын 16-ны өдрийн 67 дугаар зарлигаар Нийслэл дэх Захиргааны хэргийн анхан шатны шүүхийн шүүгчийн албан тушаалд Дүгэрхүүгийн Эрдэнэчимэгийг томилж  шүүгчийн тангараг өргөх ёслолын ажиллагааг 2022 оны 05 дугаар сарын 17-ны өдөр “Монгол Улсын шүүхийн шүүгчийн тангараг өргөх журам”-д заасны дагуу тус шүүхийн байранд зохион байгууллаа.

       Шүүгчийн тангараг өргөх ёслолын ажиллагааг тус шүүхийн зохион байгуулалт хариуцсан мэргэжилтэн С.Одмаа удирдаж, Тамгын газрын дарга Н.Батхүү Монгол Улсын Ерөнхийлөгчийн зарлигийг уншиж сонордуулан шүүгч  тангараг өргөснөөр Монгол Улсын шүүхийн тухай хуулийн 38 дугаар зүйлийг 38.1-т зааснаар Д.Эрдэнэчимэг шүүгчийн бүрэн эрх нь эхэлж байна. 

       Шүүгчийн тангараг өргөх ёслолын ажиллагаанд Нийслэл дэх Захиргааны хэргийн анхан шатны шүүхийн шүүгчид, захиргааны ажилтнууд болон иргэдийн төлөөлөл оролцож баяр хүргэлээ.

                                                     НИЙСЛЭЛ ДЭХ ЗАХИРГААНЫ ХЭРГИЙН АНХАН ШАТНЫ ШҮҮХ