Нийслэл дэх Захиргааны хэргийн анхан шатны шүүхээс санаачилж, Монголын Хуульчдын холбооны Захиргааны эрх зүйн хороо, Улсын Дээд шүүхийн дэргэдэх  Шүүхийн сургалт, судалгаа, мэдээллийн хүрээлэн, “Легал дата” эрдэм шинжилгээ, судалгааны цахим сантай хамтран зохион байгуулсан “Захиргааны хэрэг шүүхэд хянан шийдвэрлэх ажиллагааг боловсронгуй болгох нь” сэдэвт эрдэм шинжилгээний илтгэлийн эцсийн шат өнөөдөр буюу 2022 оны 7 дугаар сарын 04-ний өдөр зохион байгуулагдлаа.

       Тус уралдааныг Монгол Улсын захиргааны процессын эрх зүйн салбарт тулгамдсан асуудлыг нээн илрүүлэх, Захиргааны хэрэг шүүхэд хянан шийдвэрлэх ажиллагааны эрх зүйн зохицуулалтыг боловсронгуй болгох зорилгоор зохион байгуулсан бөгөөд эцсийн шалгаруулалтад 8 илтгэлийг хэлэлцүүлж, уралдааны дүнг гарган, шагналыг гардуулав.

 Эцсийн шатны шалгаруулалтын дүнгээр:

Тэргүүн байр- Д.Мягмарсүрэн, YUN CHANEUN / Сэдэв: Дуусгавар болсон Захиргааны актад холбогдуулан нэхэмжлэл гаргах эрх: харьцуулсан судалгаа/

Дэд байр-С.Цэрэндолгор, Д.Бямба-Од / Сэдэв: Хүрээлэн байгаа орчны асуудлаар нийтийн ашиг сонирхлыг төлөөлөн хамгаалах ойлголтын плюрализм ба нэхэмжлэл гаргах этгээдийн зохицуулалтыг боловсронгуй болгох нь/,

Гутгаар байр- Т.Баясгалан, Ж.Гантуяа /Сэдэв: Улсын Дээд шүүхээс гаргасан захиргааны актыг захиргааны хэргийн шүүхээс хянах эрх зүйн зохицуулалтын зарим асуудал/ тус тус шалгарлаа.

 НИЙСЛЭЛ ДЭХ ЗАХИРГААНЫ ХЭРГИЙН АНХАН ШАТНЫ ШҮҮХ