Нийслэл дэх Захиргааны хэргийн анхан шатны шүүхэд 2022 оны эхний хагас жилийн байдлаар эрх бүхий албан тушаалтны шийтгэлийн хуудас болон шүүхийн шийдвэрийг албадан гүйцэтгүүлэх 310 шүүгчийн захирамж, гүйцэтгэх хуудас бичигдсэн бөгөөд үүнээс 53 буюу 17% нь шүүхийн шийдвэрийг албадан гүйцэтгэх, 257 буюу 83% нь эрх бүхий албан тушаалтны гаргасан шийтгэлийн хуудсыг албадан гүйцэтгүүлэх ажиллагаа эзэлж байна.

     Тус хугацаанд шүүхийн шийдвэрийг албадан гүйцэтгүүлэх 53 шүүгчийн захирамж, гүйцэтгэх хуудас бичигдсэнээс 16 буюу 30% нь шийдвэр гүйцэтгэх ажиллагаа дуусгавар болсон, 1 буюу 2% нь түдгэлзүүлсэн, 36 буюу 68% нь ажиллагаанд байгаа бол эрх бүхий албан тушаалтны гаргасан шийтгэлийн хуудсыг албадан гүйцэтгүүлэх 257 шүүгчийн захирамж, гүйцэтгэх хуудас бичигдсэнээс 133 буюу 52% нь шийдвэр гүйцэтгэх ажиллагаа дуусгавар болсон, 3 буюу 1% нь түдгэлзүүлсэн, 121 буюу 47% нь ажиллагаанд байна.

     Дээрх байдлаас нэгтгэн үзэхэд 2022 оны хагас жилийн байдлаар шүүхийн шийдвэр, шийтгэлийн хуудсыг албадан гүйцэтгүүлэх нийт 310 шүүгчийн захирамж, гүйцэтгэх хуудас бичигдсэнээс 149 буюу 48% нь шийдвэр гүйцэтгэх ажиллагаа дуусгавар болсон, 4 буюу 1% нь түдгэлзүүлсэн, 157 буюу 51% нь ажиллагаанд байна.

                                               НИЙСЛЭЛ ДЭХ ЗАХИРГААНЫ ХЭРГИЙН АНХАН ШАТНЫ ШҮҮХ