Нийслэл дэх Захиргааны хэргийн анхан шатны шүүхэд 2022 оны 04 дүгээр улиралд эрх бүхий албан тушаалтны шийтгэлийн хуудас болон шүүхийн шийдвэрийг албадан гүйцэтгүүлэх 135 шүүгчийн захирамж, гүйцэтгэх хуудас бичигдсэн бөгөөд үүнээс 29 буюу 21,5% нь шүүхийн шийдвэрийг албадан гүйцэтгэх, 106 буюу 78,5% нь эрх бүхий албан тушаалтны гаргасан шийтгэлийн хуудсыг албадан гүйцэтгүүлэх ажиллагаа эзэлж байна.

     Тус хугацаанд шүүхийн шийдвэрийг албадан гүйцэтгүүлэх 29 шүүгчийн захирамж, гүйцэтгэх хуудас бичигдсэнээс 4 буюу 13,8% нь шийдвэр гүйцэтгэх ажиллагаа дуусгавар болсон, 36 буюу 79,2% нь ажиллагаанд байгаа бол эрх бүхий албан тушаалтны гаргасан шийтгэлийн хуудсыг албадан гүйцэтгүүлэх 106 шүүгчийн захирамж, гүйцэтгэх хуудас бичигдсэнээс 45 буюу 42,5% нь шийдвэр гүйцэтгэх ажиллагаа дуусгавар болсон, 52 буюу 49% нь ажиллагаанд байна.

     Дээрх байдлаас нэгтгэн үзэхэд 2022 оны 04 дүгээр улиралд бичигдсэн шүүхийн шийдвэр, шийтгэлийн хуудсыг албадан гүйцэтгүүлэх нийт 135 шүүгчийн захирамж, гүйцэтгэх хуудаснаас 49 буюу 36% нь шийдвэр гүйцэтгэх ажиллагаа дуусгавар болсон, 75 буюу 55% нь ажиллагаанд байна.

НИЙСЛЭЛ ДЭХ ЗАХИРГААНЫ ХЭРГИЙН АНХАН ШАТНЫ ШҮҮХИЙН ТАМГЫН ГАЗАР