Шүүхийн ерөнхий зөвлөлийн даргын 2020 оны 05 дугаар сарын 15-ны өдрийн 58 дугаар тушаалаар батлагдсан хяналт-шинжилгээ, үнэлгээний ажлын хэсэг 2020 оны 06 дугаар сарын 11-ний өдөр Нийслэл дэх Захиргааны хэргийн анхан шатны шүүхийн тамгын газарт ажиллав.

Шүүхийн ерөнхий зөвлөлийн Тамгын газрын даргын албан үүргийг түр орлон гүйцэтгэгч С.Билгүүнээр ахлуулсан ажлын хэсэг “Шүүхийн тамгын газрын үйл ажиллагааны нийтлэг журам”-ын 3-т заасан 5 үндсэн чиг үүргийн хүрээнд  хяналт-шинжилгээ, үнэлгээ хийлээ.

Ажлын хэсгээс Тамгын газрын үйл ажиллагааны чиглэл бүрт хийсэн ажлын тайлангаа 2020 оны 06 дугаар сарын 11-ний өдөр тус шүүхийн ерөнхий шүүгч Ц.Батсүрэн, Тамгын газрын дарга Н.Батхүү болон шүүхийн захиргааны холбогдох мэргэжилтнүүдэд танилцуулсан юм. Хяналт шинжилгээгээр тус шүүхийн Тамгын газрын үйл ажиллагаанд сайжруулах ажил тус бүрд дүгнэлт гаргаж, цаашид хэрэгжүүлэх арга хэмжээний талаар чиглэл өгсөн юм.

            Хурлын үеэр Ерөнхий шүүгч Ц.Батсүрэн “Тамгын газрын үйл ажиллагаанд шалган туслах зорилгоор хийсэн хяналт-шинжилгээ, үнэлгээний тайланг сонслоо. Тамгын газрын дарга Н.Батхүү томилогдоод удаагүй байна. Цаашид  дээрх ажлуудад анхаарч ажиллана гэдэгт итгэлтэй байна.

            Тус шүүхэд шүүгчийн сул орон тоо 1 байгааг нөхөх асуудлыг Шүүхийн ерөнхий зөвлөлд албан ёсоор хүргүүлсэн. Энэ дашрамд ШЕЗ-ийн дарга нарт энэ асуудлыг дахин уламжилж өгөхийг хүсье!” гэв.

Ажлын хэсгийнхэн энэхүү саналыг Шүүхийн ерөнхий зөвлөлийн удирдлагуудад уламжлахаа илэрхийлсэн юм.