Нийслэл дэх Захиргааны хэргийн анхан шатны шүүхийн Тамгын газраас Нийслэлийн Эрүүгийн хэргийн давж заалдах шатны шүүхийн Тамгын газар, Сонгинохайрхан дүүргийн Иргэний хэргийн анхан шатны шүүхийн тамгын газруудтай хамтран тус шүүхүүдийн Хуульчийн мэргэжлийн шалгалт өгөх шүүгчийн туслах, шүүх хуралдааны нарийн бичгийн дарга нарт зориулан “Хуульчийн мэргэжлийн шалгалт өгөхөд анхаарах асуудал, бодлого бодох аргачлал” /Захиргааны эрх зүй, Иргэний эрх зүй, Эрүүгийн эрх зүй/-ын сэдвээр сургалт зохион байгуулах гэж байна.

            Захиргааны эрх зүйн бодлого бодох аргачлалын талаарх сургалтыг тус шүүхийн шүүгч Т.Мөнх-Эрдэнэ 2023.09.21, 22-ны өдрүүдэд 16.00 цагаас тус шүүхийн сургалтын танхимд, Иргэний эрх зүйн бодлого бодох аргачлалыг Сонгинохайрхан дүүргийн Иргэний хэргийн анхан шатны шүүхийн Ерөнхий шүүгч Б.Хишигбаатар 2023.10.02,03-ны өдрүүдэд 17.00 цагаас Сонгинохайрхан дүүргийн Иргэний хэргийн анхан шатны шүүхийн байранд, Эрүүгийн эрх зүйн бодлого бодох аргачлалыг  Нийслэлийн Эрүүгийн хэргийн давж заалдах шатны шүүхийн шүүгч Ц.Оч 2023.10.05, 06-ны өдрүүдэд 17.00 цагаас тус шүүхийн сургалтын танхимд тус тус зохион байгуулна.

            Хуульчийн мэргэжлийн шалгалтад оролцох шүүгчийн туслах, шүүх хуралдааны нарийн бичгийн дарга нартаа сургалтдаа идэвхтэй хамрагдаж, шалгалтдаа амжилттай оролцохыг хүсье.

 Сургалттай холбоотой мэдээлэл авах утас:

 Нийслэл дэх Захиргааны хэргийн анхан шатны шүүхийн мэргэжилтэн Э.Азбаяр - 88023576,

 Нийслэлийн Давж заалдах шатны шүүхийн мэргэжилтэн Б.Баярцэцэг - 99477872,

 Сонгинохайрхан дүүргийн Иргэний хэргийн анхан шатны шүүхийн Шүүхийн үйлчилгээний хэлтсийн дарга Э.Цолмон - 99081363,

ЗОХИОН БАЙГУУЛАГЧ:

НИЙСЛЭЛ ДЭХ ЗАХИРГААНЫ ХЭРГИЙН АНХАН

ШАТНЫ ШҮҮХИЙН ТАМГЫН ГАЗАР