Нийслэл дэх Захиргааны хэргийн анхан шатны шүүхийн тамгын газраас “Шүүгч ажилтнуудын нийгмийн хамгааллын хөтөлбөр”-т тусгагдсаны дагуу тамгын газрын дотоод нөөц бололцоог ашиглан, шүүгч, тамгын газрын ажилтнуудын тусламж дэмжлэгтэйгээр цайны өрөө болон хүүхдэд зориулсан өрөөг тохижууллаа.

          Уг өрөөг тохижуулснаар ажилтнууд цайны цаг болон чөлөөт цагаараа цай кофе уух, түр зуур амарч ажлын стресс ядаргаагаа тайлах боломж бүрдэж байгаа юм.

        Түүнчлэн шүүгч, шүүхийн захиргааны албан хаагч нарын аятай таатай ажиллах нөхцөлийг бүрдүүлэх үүднээс хүүхдээ харах хүнгүйгээр гэртээ үлдээхгүй байх, ар гэртээ санаа зовох зүйлгүйгээр ажиллах, хүүхдийн аюулгүй байдлыг хангах, хүүхдийн эрсдэлт нөхцөлд орохоос урьдчилан сэргийлэх, хамгаалах үүргээ биелүүлэх зэргээр хүүхдэд ээлтэй орчин бүрдүүлэхийг зорьж ажиллаа.

 НИЙСЛЭЛ ДЭХ ЗАХИРГААНЫ ХЭРГИЙН АНХАН ШАТНЫ ШҮҮХИЙН ТАМГЫН ГАЗАР