Тус шүүхээс хууль зүйн дээд боловсрол олгож буй их, дээд сургуулийн төгсөх ангийн оюутнуудад шүүхийн үйл ажиллагааны талаар мэдээлэл хүргэх, шүүхийн Тамгын газар, шүүхийн захиргааны ажилтны чиг үүрэг, онцлогийг таниулах, шүүхийн захиргааны хүний нөөцийн залгамж халааг бэлтгэх зорилгоор шүүгч, шүүхийн захиргааны ажилтнуудыг оролцуулсан баг бүрдүүлэн танилцуулга хийж байгаа билээ.

      Энэ ажлын хүрээнд Монгол Улсын Их сургуулийн Хууль зүйн сургуулийн өдрийн ангийн оюутнуудад 2023 оны 11 дүгээр сарын 16-ны өдөр Нийслэл дэх Захиргааны хэргийн анхан шатны шүүхийн шүүгч Т.Мөнх-Эрдэнэ  “Шүүхийн тухай ойлголт, шүүхийн эрхэм зорилго” сэдвээр ерөнхий ойлголтыг өгч, шүүгчийн туслах Т.Батсүмбэр-Уул шүүхийн захиргааны ажилтны албан тушаалын онцлогийн талаарх  дэлгэрэнгүй мэдээлэл хийж, оюутан залуусын сонирхсон асуултад хариулт өглөө.

      Танилцуулгын төгсгөлд цаашид энэхүү арга хэмжээг өргөжүүлэн хамтран зохион байгуулж байхаар тус сургуулийн Практик сургалтын төвийн эрхлэгч, доктор С.Болормаатай харилцан санал солилцон тохиролцлоо.

нийслэл дэх захиргааны хэргийн анхан шатны шүүх