XVII жарны Хөх луу жилийн босгон дээр буюу 2024 оны 02 дугаар сарын 09-ний өдөр Монгол Улсын Ерөнхийлөгчийн зарлигаар төрийн дээд одон, медалиар шагнагдсан тус шүүхийн шүүгч, ажилтнуудад Шүүхийн ерөнхий зөвлөлөөс төрийн дээд одон, медалийг гардуулсан билээ. 

     Нийслэл дэх Захиргааны хэргийн анхан шатны шүүхийн шүүгч Уртнасангийн Бадамсүрэнг Монгол Улсын Ерөнхийлөгчийн 2024 оны 02 дугаар сарын 01-ний өдрийн 13 дугаар зарлигаар “Алтан гадас” одонгоор шагнасныг гардуулах ёслолын ажиллагаа тус шүүх дээр болж, шагналыг Нийслэл дэх Захиргааны хэргийн анхан шатны шүүхийн Ерөнхий шүүгч Н.Дуламсүрэн, Тамгын газрын дарга Н.Батхүү нар гардуулан өгөв.

      Шүүгч У.Бадамсүрэн нь захиргааны хэргийн шүүхийн шүүгчээр хорь дахь жилдээ ажиллаж байгаа манай анхны шүүгчдийн нэг бөгөөд ийнхүү Монгол Улсад Захиргааны хэргийн шүүх байгуулагдсаны түүхт 20 жилийн ой тохиож байгаа энэ үед Төрийн дээд шагнал “Алтан гадас” одонгоор шагнагдсан шүүгч У.Бадамсүрэн танд баяр хүргэж, Таны цаашдын ажил, амьдралд хамгийн сайн сайхныг хамт олны зүгээс хүсэн ерөөе.

НИЙСЛЭЛ ДЭХ ЗАХИРГААНЫ ХЭРГИЙН АНХАН ШАТНЫ ШҮҮХ