Монгол Улсад Захиргааны хэргийн шүүх байгуулагдсаны 20 жилийн ойд зориулсан “Mock Trial – ЗХШ 20 жил” шүүхийн мэтгэлцээний тэмцээний анхан шатны болон давж заалдах журмаар мэтгэлцэх үе шатны тоглолтууд Захиргааны хэргийн шүүхийн нэгдсэн байранд болж өнгөрлөө.

    Уг тэмцээн нь Монгол Улсын дээд шүүхийн захиргааны хэргийн танхимын санаачилгаар зохион байгуулагдсан бөгөөд Монголын хуульчдын холбоо болон Монголын өмгөөлөгчдийн холбоо ерөнхий зохион байгуулагчаар тус тус ажилласан юм.

      “Mock Trial – ЗХШ 20 жил” шүүхийн мэтгэлцээний тэмцээнийг нээж Монгол Улсын дээд шүүхийн захиргааны хэргийн танхимын тэргүүн Д.Мөнхтуяа, Монголын хуульчдын холбооны ерөнхийлөгч П.Одгэрэл, Монголын өмгөөлөгчдийн холбооны ерөнхийлөгч Л.Данзанноров нар арга хэмжээг нээж үг хэлэв.

     Тус мэтгэлцээний тэмцээнд 16 хуулийн фирмийн дадлагажуулсан 14 хууль зүйн их, дээд сургуулийн 75 оюутан оролцсон бөгөөд Нийслэл дэх Захиргааны хэргийн анхан шатны шүүхийн Ерөнхий шүүгч Н.Дуламсүрэн, шүүгч Л.Батбаатар, У.Бадамсүрэн, Ө.Болорчимэг, А.Ганзориг, Ц.Мөнхзул, Х.Нямдэлгэр, Д.Эрдэнэчимэг нар шүүгчээр оролцов.

    Анхан болон давж заалдах журмаар мэтгэлцсэн нийт багуудаас хагас финалын шатанд “Соёмбо легал партнерс” ХХН, “Адвокат консалтинг” ХХН, “Легал гайд” ХХК, “Эм Ди Эс энд Хаанлекс” ХХН-үүд тус тус хяналтын шатны тэмцээнд шалгарч үлдэв.

     Захиргааны хэргийн шүүх байгуулагдсаны 20 жилийн ойд зориулан зохион байгуулагдаж буй “Mock Trial – ЗХШ жил” мэтгэлцээний тэмцээнд оролцсон оюутнууд болон хуулийн фирмүүдэд цаашдын ажилд нь амжилт хүсье.

Нийслэл дэх Захиргааны хэргийн анхан шатны шүүхийн Тамгын газар