Нийслэл дэх Захиргааны хэргийн анхан шатны шүүхийн Тамгын газраас санаачлан хууль зүйн их, дээд сургуулийн оюутнуудад тус шүүхийн шүүгч нар өөрсдийн шийдвэрлэж, хуулийн хүчин төгөлдөр болсон сонирхолтой кэйсүүдийг тайлбарлаж, ярилцах хөтөлбөрийн хүрээнд 2024.10.24-ний өдөр “Захиргааны хэргийн шүүх-Кейс судлал” ээлжит уулзалт, ярилцлага зохион байгуулагдлаа.

     Уг уулзалтад 12 их сургуулийн (МУИС, ДХИС, СЭЗИС, Шихихутаг Их сургууль, Их засаг их сургууль, Монгол Улсын Эрдмийн их сургууль, Отгонтэнгэр их сургууль, Глобал удирдагч их сургууль, Рояал их сургууль, Олон Улсын Улаанбаатар их сургууль, Идэр их сургууль, Үндэсний техникийн их сургууль, Сити их сургууль, Орхон их сургууль) Эрх зүйн 2-5 дугаар курсын нийт 109 оюутнуудыг хүлээн авч “ЗХШ-Кейс судлал” уулзалт, ярилцлагад хамрагдлаа.

     Тус уулзалт, ярилцлагыг Нийслэл дэх Захиргааны хэргийн анхан шатны шүүхийн Шүүгч У.Бадамсүрэн удирдан явуулж “Газрын эрхийг шүүхээс хамгаалсан байдал” сэдвүүдийн хүрээнд Газрын эрх яагаад чухал вэ? Онцгойлон эзэмших эрхийн талаар тусгайлан ярьсан ба Газар эзэмших эрх иргэн, Хуулийн этгээдийн суурь эрх мөн үү, Газар эзэмших талаарх материаллаг хэм хэмжээний талаарх ойлголт, Газар эзэмших эрхийг захиргааны байгууллагаас баталгаажуулсан, эрх олгосон зохицуулалтын онцлог, Шүүхийн процесст гарч буй газрын маргааны онцлог, шийдвэрлэгдэж буй байдал зэргийг тус шүүх хэрхэн шийдвэрлэснийг нийтийн эрх зүй дэх зарчим болон зарим хууль хэрэглээтэй уялдуулан тайлбарлав.

 Нийслэл дэх Захиргааны хэргийн анхан шатны шүүх