Шүүхийн шийдвэрийн огноо, дугаар: 2023.08.28. 28/ШШ2023/0650
     Шийдвэрийн төлөв: Хүчин төгөлдөр болсон
     Шийдвэрийн тойм

    Г аймгийн Засаг даргаас Үндэсний аудитын газар, тус газрын Аудитын нэгдсэн удирдлага, зохицуулалтын газрын захиралд холбогдох “төрийн аудитын хяналт шалгалтын үйл ажиллагаа илт хууль бус байсан” гэх  агуулга бүхий нэхэмжлэл гаргажээ.

    Монгол Улсын Ерөнхий аудиторын 2022 онд төлөвлөгөөг үндэслэн Г аймгийн Засаг даргын нөөц сан, Засаг даргын Тамгын газар, Иргэдийн Төлөөлөгчдийн Хурал, аймаг, сумдын Орон нутгийн хөгжлийн сан болон бусад сан, өмч хөрөнгийн 2021-2022 оны зарцуулалт, үр дүнд хийсэн аудит хийсэн байна. 

    Аудитын тайланд аймгийн удирдлагууд Төрийн хэмнэлтийн хуулийг хэрэгжүүлж ажиллаагүй, төсвийг хэмнэлтгүй зарцуулсан, орон нутгийн төсвийн хөрөнгө зарцуулалт, Орон нутгийн хөгжлийн сангийн хөрөнгөөс зориулалт бусаар зарцуулсан гэх дүгнэлт хийжээ.

    Г аймгийн Заса дарга уг  аудитын  дүгнэлттэй маргаагүй, харин албан шаардлагын Шаардах хэсгийн “Засаг даргын нөөц сангаас үрэлгэн, зориулалт бус зарцуулсан зөрчлийг арилгаж, биелэлтийг 2023 оны 3 дугаар сарын 30-ны өдрийн дотор Үндэсний аудитын газарт ирүүлэх” гэсэн хэсэг  “утга агуулгын  алдаатай” буюу хоорондоо нийцээгүй гэж маргасныг шүүх  хууль зүйн үндэслэлгүй гэж үзсэн.

     Учир нь маргаан бүхий Албан шаардлагын нэр, зорилго, зохицуулсан харилцаа нь хоорондоо зөрчилгүй, утга агуулгын хувьд ямар нэг алдаа байхгүй бөгөөд акт нь ”зөрчлийг таслан зогсоох"-оор гарсан зорилгодоо нийцсэн, утга агуулга нь тодорхой байна. 

     Шүүхийн шийдвэрийг бүрэн эхээр нь үзэх холбоос:  https://shuukh.mn/single_case/13530?daterange=2023-01-01%20-%202024-01-16&id=1&court_cat=3&bb=1

Тойм бэлтгэсэн:Нийслэл дэх Захиргааны хэргийн анхан шатны шүүхийн шүүгч Д.Эрдэнэчимэг