Иргэдийн эрх зүйн боловсролыг дээшлүүлэх, хууль сурталчлах зорилгоор жил бүрийн 05 дугаар сарын 01-ний өдөр уламжлал болгон орон даяар зохион байгуулагддаг "ХУУЛЬЧДЫН ПРО БОНО ӨДӨР-2025" өдөрлөг шүүхийн байранд амжилттай зохион байгуулагдлаа.

   Нийслэл дэх Захиргааны хэргийн анхан шатны шүүхийн зүгээс иргэдэд захиргааны хэргийн шүүхийн талаарх ойлголт, харьяалан хянан шийдвэрлэдэг маргааны төрөл, онцлог, захиргааны хэргийн шүүхэд хэрхэн нэхэмжлэл гаргах, ямар баримтууд бүрдүүлэх болон шүүхийн иргэдийн төлөөлөгчийн талаарх мэдээллийг хүргэж, иргэдээс шүүхийн үйл ажиллагаатай холбоотой сонирхсон асуултад хариулж, чиглэл өгч  шүүхийн байрны үйлчилгээний хэсэгт зурагт хуудас, эрх зүйн сэтгүүл, гарын авлага, видео шторк байрлуулж, өдөрлөгт зорин ирсэн болон шүүхээр үйлчлүүлж буй иргэдэд зөвлөгөө, мэдээлэл хүргэлээ.

   Тус өдөрлөгт шүүгчийн туслах, мэдээлэл лавлагааны мэргэжилтэн, архивч, олон нийттэй харилцах мэргэжилтэн  нар 96 иргэнд үйлчилгээ, мэдээлэл хүргэж ажиллаа.

НИЙСЛЭЛ ДЭХ ЗАХИРГААНЫ ХЭРГИЙН АНХАН ШАТНЫ ШҮҮХИЙН ТАМГЫН ГАЗАР