Глобал Удирдагч Их Сургуулийн салбар Хууль зүйн сургуулийн багш, оюутнууд Нийслэл дэх Захиргааны хэргийн анхан шатны шүүхийн байр, шүүхийн ил тод нээлттэй байдал, шүүхийн өдөр тутмын үйл ажиллагаатай 2025 оны 05 дугаар сарын 21-ний өдөр танилцлаа.

   Тус шүүхийн Тамгын газрын Олон нийттэй харилцах мэргэжилтэн Б.Төгсбуянжаргал шүүхийн үүсэл хөгжил, бүтэц орон тоо, шүүхийн үйлчилгээний талаарх мэдээлэл шүүхийн байр, шүүх хуралдааны танхимууд болон “Цахим хөтөч”, “Нээлттэй шүүх”, “Хэргийн хөдөлгөөний удирдлагын хэсэг” зэрэг шүүхэд хэрэгжүүлэн ажиллаж буй үйлчилгээний талаар мэдээллийг өглөө.

   Уулзалтын төгсгөлд Нийслэл дэх Захиргааны хэргийн анхан шатны шүүхийн шүүгч У.Бадамсүрэн оюутнуудыг хүлээн авч уулзаж хуульч мэргэжил, шүүхийн захиргааны ажилтны чиг үүргийн талаар болон хуульч мэргэжлийг сонговол юунд анхаарах талаар зөвлөгөө, мэдээлэл өгөв.

Танилцуулгын явцад оюутнууд сонирхсон асуултаа асууж, тодорхой мэдээлэл олж авсан бөгөөд шүүхийн тогтолцоо, ажил мэргэжлийн онцлогийн хүрээнд мэдлэгээ бататгаж ач холбогдолтой мэдээлэл авлаа гэдгээ илэрхийлж байв.

НИЙСЛЭЛ ДЭХ ЗАХИРГААНЫ ХЭРГИЙН АНХАН ШАТНЫ ШҮҮХИЙН ТАМГЫН ГАЗАР