Бүгд Найрамдах Солонгос улсын Сөүл хотын өмгөөлөгчдийн холбооны Ерөнхийлөгч Жу Сүн Ёл, ерөнхий асуудал эрхэлсэн дарга Жинь Шиху , Ян Юнь Соб,  гүйцэтгэх ажилтан Ким Жүнён нарыг Нийслэл дэх захиргааны хэргийн анхан шатны шүүхийн шүүгчдийн төлөөлөл 2025.06.11-ний өдөр хүлээн авч уулзлаа.

   Уулзалтад Монголын Өмгөөлөгчдийн холбооны гишүүн, өмгөөлөгч Ш.Баасанжав, Нийслэлийн Өмгөөлөгчдийн зөвлөлийн дарга Т.Энхбаяр, Холбооны ажлын албаны дарга Г.Отгонсүрэн, шүүхийн Тамгын газрын зарим албан хаагчид байлцав.

   Ирсэн зочид төлөөлөгчдөд тус шүүхийн шүүгч Б.Адъяасүрэн шүүхийн бүтэц, орон тоо, шүүхийн онцлог, нутаг дэвсгэрийн харьяалал, хэргийн хөдөлгөөний зарим тоон мэдээллийг танилцуулж, зочдын сонирхсон асуултад хариулт өглөө.

НИЙСЛЭЛ ДЭХ ЗАХИРГААНЫ ХЭРГИЙН АНХАН ШАТНЫ ШҮҮХИЙН ТАМГЫН ГАЗАР