Нийслэл дэх Захиргааны хэргийн анхан шатны шүүхийн Тамгын газрын 2025 оны гүйцэтгэлийн төлөвлөгөөнд тусгагдсан олон нийтийг мэдээллээр хангах ажлын хүрээнд 2025 оны 10 дугаар сарын 01-ний өдөр Нийслэлийн ерөнхий боловсролын “Шинэ үе” сургууль -ийн 11 дүгээр ангийн сурагчид Нийслэл дэх Захиргааны хэргийн анхан шатны шүүхийн байр, шүүхийн өдөр тутмын үйл ажиллагаатай тус тус танилцлаа.

   Сурагчдад Олон нийттэй харилцах мэргэжилтэн Б.Төгсбуянжаргал тус шүүхийн үүсэл хөгжил, бүтэц, орон тоо, шүүхээс иргэдэд үзүүлдэг үйлчилгээнүүдийн талаар мэдээлэл  өгсөн бөгөөд тэдний сонирхсон асуултын талаар ярилцаж, шүүх хуралдааны жишиг танхим болох Захиргааны хэргийн давж заалдах шатны шүүхийн “Ногоон танхим”-ыг танилцууллаа.

Сурагчид хүссэн асуултаа асууж дэлгэрэнгүй мэдээлэл авсан чухал үр дүнтэй уулзалт болж өндөрлөлөө.

НИЙСЛЭЛ ДЭХ ЗАХИРГААНЫ ХЭРГИЙН АНХАН ШАТНЫ ШҮҮХИЙН ТАМГЫН ГАЗАР