Нийслэл дэх Захиргааны хэргийн анхан шатны шүүхийн Тамгын газрын шүүхийн захиргааны ажилтнуудад Жендэрийн үндэсний хорооны Ажлын албаны Эрэгтэйчүүдийн хөгжлийн асуудал хариуцсан ахлах мэргэжилтэн Д.Батхишиг “Ажлын байрны бэлгийн дарамтаас сэргийлэх” нь сэдэвт сургалтыг 2026 оны 04 дүгээр сарын 09-ний өдөр зохион байгууллаа.

   Тус сургалтаар Олон улсын хөдөлмөрийн байгууллагын 190 дүгээр конвенцын үзэл баримтлалыг танилцуулж, ажил олгогч нь ажлын байрны дарамтаас ангид орчин бүрдүүлэх хуулиар хүлээсэн үүрэг, бэлгийн дарамт үүсэхэд нөлөөлдөг хүчин зүйлс болон хохирогчид учирдаг сэтгэл зүй, эдийн засгийн сөрөг үр дагавруудыг бодит кэйс дээр тулгуурлан тайлбарлаж, байгууллагын дотоод хяналтыг сайжруулах арга замуудын талаар дэлгэрэнгүй мэдээлэл өгч, сэдвийн хүрээнд харилцан ярилцлаа.

НИЙСЛЭЛ ДЭХ ЗАХИРГААНЫ ХЭРГИЙН АНХАН ШАТНЫ ШҮҮХИЙН ТАМГЫН ГАЗАР