Монгол Улсын Шүүхийн тухай хууль /шинэчилсэн найруулга/ 2021 оны 03 дугаар сарын 01-ний өдрөөс хэрэгжиж эхэлсэн ба тус хуульд Шүүхийн Ерөнхий зөвлөлийн шүүгч гишүүнийг Нийт шүүгчийн чуулганаас нууц санал хураалтаар сонгохоор заасан.

     Уг хуулийн дагуу Нийт шүүгчийн анхдугаар чуулганыг 2021 оны 10 дугаар сарын 11-ний өдөр зохион байгуулж,  Шүүхийн ерөнхий зөвлөлийн шүүгч гишүүнийг сонгох нууц санал хураалтаар тус шүүхийн шүүгч Амгалангийн Насандэлгэр нь Шүүхийн ерөнхий зөвлөлийн гишүүнээр сонгогдсон юм.

    Тус шүүхийн Ерөнхий шүүгч, шүүгчид, Тамгын газрын даргын зүгээс хамт олноо төлөөлөн Шүүхийн Ерөнхий зөвлөлийн гишүүнээр сонгогдсон шүүгч А.Насандэлгэрт хүндэтгэл үзүүлж, дурсгалын зүйл гардуулан, шүүгчийн хараат бус, бие даасан байдлыг хангах, хуульчдаас шүүгчийг шилж олох, эрх ашгийг нь хамгаалах их үйлсэд нь амжилт хүслээ.