Монгол Улсын Ерөнхийлөгчийн 2022 оны 07 дугаар сарын 08-ны өдрийн 155 дугаар зарлигаар Нийслэл дэх Захиргааны хэргийн анхан шатны шүүхийн шүүгчийн албан тушаалд Амгалансүрэнгийн Мөнх-Өлзийг томилж, шүүгчийн тангараг өргөх ёслолын ажиллагааг 2022 оны 07 дугаар сарын 19-ний өдөр “Монгол Улсын шүүхийн шүүгчийн тангараг өргөх журам”-д заасны дагуу тус шүүхийн байранд зохион байгууллаа.
![](/uploads/posts/2022-07/1658220581_dsc_0612.jpg)
Шүүгчийн тангараг өргөх ёслолын ажиллагааг тус шүүхийн Тамгын газрын дарга Н.Батхүү удирдаж, Монгол Улсын Ерөнхийлөгчийн зарлигийг уншиж сонордуулан шүүгч тангараг өргөснөөр Монгол Улсын шүүхийн тухай хуулийн 38 дугаар зүйлийг 38.1-т зааснаар А.Мөнх-Өлзий шүүгчийн бүрэн эрх нь эхэлж байна.
![](/uploads/posts/2022-07/1658220716_dsc_0608.jpg)
Уг шүүгчийн тангараг өргөх ёслолын ажиллагаанд Нийслэл дэх Захиргааны хэргийн анхан шатны шүүхийн Ерөнхий шүүгчийн үүргийг түр орлон гүйцэтгэгч шүүгч Б.Адъяасүрэн баяр хүргэж үг хэллээ.
![](/uploads/posts/2022-07/1658220733_dsc_0626.jpg)
Шүүгчийн тангараг өргөх ёслолын ажиллагаанд Нийслэл дэх Захиргааны хэргийн анхан шатны шүүхийн шүүгчид, захиргааны ажилтнууд болон иргэдийн төлөөлөл оролцож баяр хүргэлээ.
![](/uploads/posts/2022-07/1658220767_dsc_0624.jpg)
НИЙСЛЭЛ ДЭХ ЗАХИРГААНЫ ХЭРГИЙН АНХАН ШАТНЫ ШҮҮХ