Нийслэл дэх Захиргааны хэргийн анхан шатны шүүхийн Тамгын газрын Хэргийн хөдөлгөөн удирдлагын хэлтсийн дарга Э.Азбаяр, Мэдээлэл технологийн инженер Б.Хангал нар нь шинээр шүүгчийн туслахаар томилогдсон Г.Булгантамир, М.Мөнхцэцэг, С.Болортуяа нарт, шүүгчийн туслахаар ажиллахад анхаарах асуудал, “Захиргааны хэргийн хөдөлгөөний нийтлэг аргачлал ба хэрэг хянан шийдвэрлэх ажиллагаа”, “Захиргааны хэргийн бүртгэл, хяналтын нэгдсэн системийн ажиллагаа” сэдвүүдээр 2024 оны 08 дугаар сарын 15-ны өдөр сургалт орлоо. 

   Уг сургалтаар шинээр шүүгчийн туслахаар томилогдож байгаа албан хаагч нарт Захиргааны хэргийн хөдөлгөөний нийтлэг аргачлал, нэхэмжлэл хүлээн авах ажиллагаа, тусгай журмаар шийдвэрлэх маргаан, түүний хугацаа, нэхэмжлэлийг буцаах, татгалзах, гомдол хүлээн авах, хэрэг хүргүүлэх, нотлох баримт цуглуулах, шүүх хуралдаан ба түүний бэлтгэлийг хангах, өргөдөл шийдвэрлэх хугацаа болон захиргааны хэргийн бүртгэл хяналтын нэгдсэн системийн ажиллагаатай холбогдуулан дэлгэрэнгүй тайлбарлаж, онол практиктай хослуулан мэдээлэл өглөө.

   Шинээр томилогдсон албан хаагч нартаа  Оюун нь хурц, ухаан нь мэргэн, үг нь оновчтой байж цаашдын ажилд нь өндөр амжилт хүсье.

НИЙСЛЭЛ ДЭХ ЗАХИРГААНЫ ХЭРГИЙН АНХАН ШАТНЫ ШҮҮХИЙН ТАМГЫН ГАЗАР