Нийслэл дэх Захиргааны хэргийн анхан шатны шүүхийн санаачилгаар Шүүх шинжилгээний Ерөнхий газрын холбогдох албан тушаалтнуудтай уулзалт, ярилцлага 2024 оны 11 дүгээр сарын 18-ны өдөр зохион байгууллаа.
   Уулзалтад тус шүүхийн Ерөнхий шүүгч Н.Дуламсүрэн, Тамгын газрын дарга Н.Батхүү, шүүгч Т.Мөнх-Эрдэнэ, шүүгч А.Мөнх-Өлзий, шүүгч Д.Халиуна, шүүгч Х.Нямдэлгэр, Хэргийн хөдөлгөөний удирдлагын хэлтсийн дарга Э.Азбаяр нар, Орон тооны бус Зөвлөлийн дарга, Шүүх шинжилгээний ерөнхий газрын Тэргүүн дэд дарга, доктор (Ph.D), цагдаагийн хурандаа Б.Даваа, Орон тооны бус зөвлөлийн гишүүн, Дотоод хэргийн их сургуулийн Шинжлэн магадлахуйн сургуулийн захирал, доктор (Ph.D), дэд профессор, цагдаагийн хурандаа Б.Лхагвасүрэн, Орон тооны бус зөвлөлийн нарийн бичгийн дарга, Шүүх шинжилгээний ерөнхий газрын Эрдэмтэн нарийн бичгийн дарга бөгөөд Эрдэм шинжилгээ, сургалт, хөгжүүлэлтийн төвийн дарга, доктор (Ph.D), цагдаагийн хошууч М.Түмэннаст, Орон тооны бус Зөвлөлийн ажлын албанаас Шүүх шинжилгээний ерөнхий газрын Эрдэм шинжилгээ, сургалт, хөгжүүлэлтийн төвийн ахлах мэргэжилтэн, цагдаагийн ахмад Б.Мөнгөнсүх нар оролцлоо.

    Уг уулзалтын үеэр Хэргийн хөдөлгөөний удирдлагын хэлтсийн дарга Э.Азбаяр шинжээч томилж хэрэг хянан шийдвэрлэх ажиллагааг түдгэлзүүлсэн хэрэгт шинжээчээр ажиллахаас татгалзсан хэргийн мэдээлэл танилцуулж, Шүүх шинжилгээний тухай хуульд заасны дагуу шинжээчийн үйл ажиллагаа эрхлэх зөвшөөрөлтэй холбоотой болон шинжээчээр ажиллах байгууллагуудтай холбоотой мэдээ, мэдээлэл солилцсон үр дүнтэй уулзалт болж өндөрлөлөө.

 Нийслэл дэх захиргааны хэргийн анхан шатны шүүх