Тус шүүхийн тамгын газраас 2020 оны байгууллагын гүйцэтгэлийн төлөвлөгөөнд тусгагдсаны дагуу Эрүүл мэндийн даатгалын ерөнхий газартай хамтран сургалт зохион байгууллаа. Сургалтыг ЭМДЕГ-ын Олон нийттэй харилцах хэлтсийн ахлах мэргэжилтэн, эмч Б.Түвшинжаргал удирдан явуулав.

     Сургагч багшийн хувьд тус шүүхийн Тамгын газраас тавьсан хүсэлтийн дагуу “Эрүүл мэндийн даатгал, түүний ач холбогдол”, “Эрүүл мэндийн даатгалаас авч болох үйлчилгээ, хөнгөлөлт”-ийн талаар танилцуулга, мэдээлэл  хийсэн юм. Сургалтын үеэр шүүхийн захиргааны ажилтнуудын зүгээс ЭМДЕГ-тай хамтран ажилладаг байгууллагуудын мэдээллийг хаанаас авч болох, тэдгээрийн үйлчилгээний талаар болон иргэд улирал, жилээр авч болох хөнгөлөлт урамшууллын тухай илүү сонирхож байлаа.