Нийслэл дэх Захиргааны хэргийн анхан шатны шүүхийн шүүгч Т.Гангэрэл шүүхийн захиргааны ажилтнуудад “Нэхэмжлэлийн шаардлага, түүний үндэслэл” сэдэвт сургалтыг зохион байгууллаа.

      Уг сургалтаар Захиргааны хэрэг шүүхэд хянан шийдвэрлэх тухай хуулийн 52 дугаар зүйлд заасан нэхэмжлэлийн шаардлагын төрлүүдийг Захиргааны хэрэг шүүхэд хянан шийдвэрлэх тухай хуулийн 106 дугаар зүйлийн 106.3-т заасан захиргааны хэргийн шүүхээс гаргах шийдвэрийн төрлүүдтэй хэрхэн уялдуулж шийдвэрлэх болон хүчингүй болгох, тогтоох, даалгах нэхэмжлэлийн шаардлагуудыг шүүх хүлээн авч шийдвэрлэхдээ урьдчилсан нөхцөлүүдийг хэрхэн тогтоох, анхаарах шаардлагатай асуудлуудын талаар жишээн дээр тайлбарласан үр дүнтэй сургалт болж өндөрлөлөө.

     Тус сургалтад оролцогчдоос сонирхсон асуултдаа хариулт авч харилцан яриа өрнүүлэн, сургалтын дараа мэдлэг бататгах тестээр мэдлэгийг бататгасан юм.

Нийслэл дэх Захиргааны хэргийн анхан шатны шүүхийн Тамгын газар