Тус шүүхийн Тамгын газраас шүүхийн үйл ажиллагааны нээлттэй, ил тод байдлыг хангах ажлыг зохион байгуулах үйл ажиллагааны хүрээнд “Мэргэжил бүхэн сайхан” хөтөлбөрийг зохион байгууллаа.

Шүүхийн үйлчилгээний хэлтсийн дарга С.Одмаа нийслэлийн Хан-Уул дүүргийн 52-р сургуулийн Р.Ариунцэцэг багштай 12б ангийн төгсөх ангийн сурагчдыг хүлээн авч эрх зүйч, хуульч мэргэжил эзэмшсэнээр ямар ямар ажил хөдөлмөр эрхэлдэг эсэх, нийгэмд ямар үүрэг гүйцэтгэдэг эсэх, мэргэжлийн онцлог, давуу болон сул талуудын тухайд мэдээлэл өгч, шүүхийн үйл ажиллагаа хэрхэн явагддаг, тэр дундаа захиргааны хэргийн шүүхэд ажиллаж буй шүүгч, захиргааны ажилтан нарын ажлын онцлогийн тухайд танилцууллаа.

Мөн хөтөлбөрийн үеэр төгсөх ангийн сурагчдаас эрх, зүйч хуульч мэргэжлийн талаар сонирхсон асуултаа асууж, харилцан яриа өрнүүлж, Захиргааны хэргийн давж заалдах шатны шүүхийн жишиг шүүх хуралдааны танхимд дурсгалын зураг татуулснаар өдөрлөг өндөрлөв.