Монголын шүүхийн захиргааны ажилтны холбооноос Нийслэлийн анхан болон давж заалдах шатны шүүхүүдийн дунд “Хөлбөмбөгийн ногоон талбай”-н аварга шалгаруулах тэмцээнийг 2020 оны 10 дугаар сарын 10-ны өдөр Чингэлтэй дүүргийн “Хайрхан хөгжлийн төв” спорт цогцолборт болж өнгөрлөө.

     Нийслэлийн шүүхүүдийн дунд хөлбөмбөгийн аварга шалгаруулах тэмцээн 2016 оноос уламжлал болгон зохион байгуулагдсан бөгөөд энэ жил Монголын шүүхийн захиргааны ажилтны холбооноос нийт шүүхүүдийн дунд хамтын ажиллагаа сайжруулах мөн хөлбөмбөгийн спортыг олон нийтэд сурталчлах зорилготойгоор зохион байгуулсан нь тэмцээнийг улам өргөн хүрээтэй, өрсөлдөөнтэй болгосон юм.

     Тэмцээнд нийт 9 шүүхийн баг тамирчид өрсөлдсөнөөс тэргүүн байранд Налайх, Багануур дүүргийн нэгдсэн шүүхийн баг тамирчид аваргын цом хүртэв. Харин дэд байранд Захиргааны хэргийн шүүхийн нэгдсэн баг тамирчид, гутгаар байранд Улсын дээд шүүхийн баг тамирчид тус тус байр эзэлж өргөмжлөл, мөнгөн шагналаар шагнуулав.