Шүүхийн ерөнхий зөвлөлийн даргын 2021 оны 01 дүгээр сарын 13-ны өдрийн 03 дугаар тушаалаар батлагдсан “Зарим шүүхийн тамгын газрын үйл ажиллагаанд хийх хяналт-шинжилгээ, үнэлгээ хийх” удирдамжийн хүрээнд ажлын хэсгээс 2021 оны 03 дугаар сарын 15-19-ний өдрүүдэд тус шүүхийн Тамгын газрын үйл ажиллагаанд хяналт-шинжилгээ хийлээ.

     Ажлын хэсгийг Шүүхийн ерөнхий зөвлөлийн Хяналт-шалгалт, үнэлгээ, дотоод аудитын албаны дарга Б.Мөнхбат ахалж, Шүүхийн мэдээллийн технологи, хэргийн хөдөлгөөний удирдлагын хэлтсийн дарга Э.Амарсанаа, Шүүхийн захиргааны хяналт, шалгалт хариуцсан референт Г.Төрболд, Хууль, тогтоол, шийдвэрийн хэрэгжилтийн хяналт хариуцсан референт Б.Хэрлэнчимэг, Санхүүгийн хяналт шалгалт хариуцсан референт Ж.Онон, Техник хангамж хариуцсан референт Б.Лхагвасүрэн, Хэргийн хөдөлгөөний бүртгэл, дүн шинжилгээ хариуцсан ахлах шинжээч М.Сэлэнгэ нарийн бүрэлдэхүүнтэй ажилласан бөгөөд шүүхийн захиргаа удирдлага, шүүгчийн хараат бус байдлыг хангаж хамгаалах, шүүхийн хүний нөөцийг удирдах, дотоод аудит, шүүхийн нээлттэй байдлыг хангах, олон нийттэй харилцах гэсэн үндсэн 5 чиглэлээр хяналт-шинжилгээ хийсэн юм.

      Ажлын хэсгээс хяналт-шинжилгээний үнэлгээний тайланг 2021 оны 03 дугаар сарын 19-ний өдөр тус шүүхийн Ерөнхий шүүгч, Тамгын газрын дарга, захиргааны алба хаагчдад танилцуулж, цаашид авч хэрэгжүүлэх, анхаарах асуудлын талаарх холбогдох зөвлөмжийг өгсөн бөгөөд тамгын газрын үйл ажиллагааг хэвийн гэж дүгнэлээ.

      Мөн хяналт-шинжилгээний үнэлгээний тайлангийн төгсгөлд тус шүүхийн Ерөнхий шүүгч, Тамгын газрын даргаас шүүхийн тамгын газрын үйл ажиллагаатай холбоотой санал хүсэлтийг танилцуулж, ажлын хэсгээс Шүүхийн ерөнхий зөвлөлийн холбогдох албан тушаалтанд уламжилна гэснээр өндөрлөв.