Тус шүүхийн Тамгын газраас Удирдлагын академитай хамтран байгууллагын болон хувь хүний харилцааны соёл, хандлага, ёс зүйн төлөвшлийг дээшлүүлэхийн тулд төрийн албан хаагчийн ёс зүйн талаар мэдлэг олгоход чиглэсэн “Төрийн албан хаагчийн ёс зүй, хүний эрхийн асуудлууд” сэдэвт сургалтыг 2021 оны 03 дугаар сарын 26-ний өдөр танхим, онлайн хосолсон хэлбэрээр зохион байгуулав.

      Сургалтад Нийслэл дэх Захиргааны хэргийн шүүхийн Тамгын газрын 62 ажилтан, албан хаагч хамрагдсан бөгөөд сургалтыг Удирдлагын академийн  багш Д.Сүнжид удирдан явуулж, Төрийн албаны тухай хууль болон Төрийн захиргааны болон үйлчилгээний албан хаагчийн ёс зүйн дүрэм, холбогдох  60 гаруй хууль тогтоомжийн хүрээнд албан хаагчдад онолын мэдлэгийг олголоо.

      Мөн төрийн албан хаагчийн ёс зүйн нийтлэг асуудлыг хөндөж, харилцан ярилцсан үр дүнтэй сургалт болж өндөрлөв.