Шүүхийн ерөнхий зөвлөлөөс шүүхийн захиргааны ажилчдад зориулсан сургалтыг “Ковид-19” цар тахлын нөхцөл байдалтай уялдуулан цахим хэлбэрээр зохион байгуулж байгаа бөгөөд 2021 оны 06 дугаар сарын 28-ны өдөр “Эрүүгийн хэрэг хянан шийдвэрлэх ажиллагаа”, “Иргэний хэрэг шүүхэд хянан шийдвэрлэх ажиллагаа”, “Захиргааны хэрэг шүүхэд хянан шийдвэрлэх ажиллагаа”, “Харилцаа, хандлага ёс зүй” сэдвүүдээр, 2021 оны 06 дугаар сарын 29-ний өдөр “Эрүү, иргэн, захиргааны эрх зүйн бодлого бодох аргачлал” сэдвээр тус тус зохион байгуулаа.
Уг сургалтад тус шүүхийн мэргэжилтэн-1, шүүгчийн туслах-11, шүүх хуралдааны нарийн бичгийн дарга-12, нийт 24 албан хаагч хамрагдсан бөгөөд Хуульчийн мэргэжлийн шалгалтад бэлтгэж байгаа ажилчдад зориулан Эрүү, иргэн, захиргааны эрх зүйн бодлого бодох аргачлал сэдвээр сургалт орсон нь үр өгөөжтэй боллоо.