Шүүхийн ерөнхий зөвлөлөөс зохион байгуулдаг “Шүүхийн захиргааны ажилтан бэлтгэх сургалт”-д хамрагдаж буй суралцагчид Нийслэл дэх Захиргааны хэргийн анхан шатны шүүхэд танилцах дадлага хийж байна. 

     Суралцагчид нь тус шүүхэд 14 хоногийн хугацаатай дадлагажих ба тус шүүхийн Тамгын газраас дадлагажигчдад зориулан “Шүүхтэй танилцах” ажил зохион байгуулж, шүүхийн тамгын газрын удирдлага, зохион байгуулалт, шүүхийн шинэчлэл, ил тод нээлттэй байдал, шүүхийн өдөр тутмын үйл ажиллагаа болон тус шүүхэд хэрэгжүүлэн ажиллаж буй “Цахим хөтөч”, “Хэргийн хөдөлгөөний удирдлагын хэсэг, “чат бот”,      “Медиа хөтөч” зэргийн талаар мэдээлэл өгч, шүүх хуралдааны жишиг танхим болох “Ногоон танхим”-тай танилцууллаа.

      Шүүхэд дадлага хийх хугацаандаа шүүхээс хэрэг хянан шийдвэрлэхэд явуулах ажиллагаа тус бүрд биечлэн оролцож, хэрэг хянан шийдвэрлэх ажиллагааны явцад гардаг эрх зүйн актуудын төсөл боловсруулж сурах зэрэг танхимын сургалтаар олж авсан мэдлэгээ бататгаж авдгаараа давуу талтай.