Нийслэл дэх Захиргааны хэргийн анхан шатны шүүхийн Тамгын газар 2021 оны жилийн эцсийн үйл ажиллагааны тайлангаа 2021 оны 12 дугаар сарын 06-ны өдөр танилцууллаа.

     Тайлангийн хуралд тус шүүхийн Ерөнхий шүүгч, шүүгчид танхимаар, шүүгчийн туслах, шүүх хуралдааны нарийн бичгийн дарга нар цахимаар оролцсон бөгөөд тус шүүхийн Тамгын газрын дарга Н.Батхүү бүтэн жилийн ололт амжилт, цаашид ажиллах бодлого, чиглэлийн талаар танилцуулж, Шүүхийн үйлчилгээний хэлтсийн дарга С.Одмаа, Шүүхийн зохион байгуулалт хариуцсан мэргэжилтэн Э.Азбаяр, ахлах нягтлан бодогч Э.Жамсранжав, шүүхийн мэдээлэл технологийн мэргэжилтэн М.Зоригтзаяа, Олон нийттэй харилцах мэргэжилтэн Б.Болормаа нар тус тусын ажлын чиг үүргийн дагуу бүтэн жилийн ажлаа тайлагнан шүүгч, шүүхийн захиргааны ажилтнуудын дунд хэлэлцүүлэв.

     Ерөнхий шүүгч болон шүүгчдийн зүгээс тус шүүхийн Тамгын газрын 2021 оны үйл ажиллагааг хангалттай сайн гэж дүгнэлээ.

      Нийслэл дэх Захиргааны хэргийн анхан шатны шүүхийн Тамгын газар