Нийслэл  дэх Захиргааны хэргийн анхан шатны шүүхийн Тамгын газрын 2021 оны сургалтын хөтөлбөрийн дагуу дотоодын сургалтыг үе шаттайгаар зохион байгуулж байгаа билээ. Уг ажлын хүрээнд 2021 оны 12 дугаар сарын 02-ны өдөр тус шүүхийн шүүгч Ц.Мөнхзул “Тусгай журмаар маргаан шийдвэрлэх ажиллагаанд анхаарах асуудал” сэдвээр, 2021 оны 12 дугаар сарын 03-ны өдөр тус шүүхийн шүүгч Л.Батбаатар “Ашигт малтмалын тусгай зөвшөөрөлтэй холбоотой захиргааны хэрэгт нотлох баримт цуглуулах ажиллагаа” сэдвээр тус тус сургалт зохион байгууллаа.  

     Сургалтад шүүгчийн туслах, шүүх хуралдааны нарийн бичгийн дарга нар хамрагдсан бөгөөд тусгай журмаар хянан шийдвэрлэх маргаан, ашигт малтмалтай холбоотой хэрэг маргааны онцлог, нотлох баримт цуглуулах, хэрэг хянан шийдвэрлэхэд анхаарах асуудлын талаар онол практик хослуулсан үр дүнтэй сургалт боллоо.

      Нийслэл дэх Захиргааны хэргийн анхан шатны шүүхийн Тамгын газар