Нийслэл дэх захиргааны хэргийн анхан шатны шүүхийн 2021 оны бүтэн жилийн шүүн таслах ажлын тайлангийн хурал 2021 оны 12 дугаар сарын 27-ны өдөр боллоо.

      Тайлангийн хуралд Ерөнхий шүүгч, шүүгчид, Тамгын газрын дарга, шүүхийн захиргааны ажилтнууд оролцсон ба шүүн таслах ажлын тайланг Ерөнхий шүүгч Ц.Батсүрэн танилцуулж, тайлангийн дүнг нийт шүүгч, захиргааны ажилтнуудын дунд хэлэлцүүлж, цаашид анхаарах асуудлаар харилцан санал бодлоо солилцлоо.

     Шүүн таслах ажлын тайлангийн төгсгөлд ерөнхий шүүгч Ц.Батсүрэн “2021 онд  ковидын нөхцөл байдлаас шалтгаалж шүүхийн үйл ажиллагааг тодорхой хугацаагаар хязгаарлаж байсан боловч шийдвэрлэсэн хэргийн тоо 984-д хүрч, өмнөх онтой харьцуулахад 89 хэргээр буюу 9,0 хувиар өссөн, үлдэгдэл хэргийн болон хугацаа хэтэрсэн хэргийн тоо буурсан эерэг тоон үзүүлэлт гарсан” талаар дурдаж, энэ онд шүүн таслах ажиллагаанд олсон ололт амжилтаа бататгаж, ирж буй ондоо ажлын өндөр амжилт гаргахыг хүсэн ерөөв.

      Мөн тайлангийн хурлын үеэр 2021 онд эрхэлсэн ажилдаа идэвх зүтгэл гарган, өөрийн эзэмшсэн мэргэжил, ур чадвар, ёс зүй, харилцаа хандлагаар хамт олноо манлайлж шилдэг ажилтнаар шалгарсан шүүхийн захиргааны ажилтнуудад шагнал гардуулж, баяр хүргэснээр тайлангийн хурал өндөрлөлөө.