Монгол Улсын шүүхийн тухай хуулийн 43 дугаар зүйлийн 43.3, Шүүхийн ерөнхий зөвлөлийн 2021 оны 12 дугаар сарын 23-ны өдрийн 68 дугаар тогтоолоор батлагдсан “Шүүгчийг сэлгэн ажиллуулах журам”-ын 2 дугаар зүйлийн 2.1.1-д  заасны дагуу Нийслэл дэх Захиргааны хэргийн анхан шатны шүүхийн шүүгчдийн зөвлөгөөний 2022 оны 01 дүгээр сарын 03-ны өдрийн 47 дугаар “Шүүгчийг сэлгэн ажиллуулах тухай” тогтоолоор 3 шүүгчийн орон тоонд шүүгч сэлгэн ажиллуулах захиалгыг Шүүхийн ерөнхий зөвлөлд хүргүүлсэн бөгөөд Шүүхийн ерөнхий зөвлөлийн 2022 оны 01 дүгээр сарын 21-ний өдрийн ээлжит бус хуралдаанаар Нийслэл дэх Захиргааны хэргийн анхан шатны шүүхэд 2 шүүгчийг сэлгэн ажиллуулахаар шийдвэрлэсэн.

    Дээрх шийдвэрийн дагуу Төв аймаг дахь Захиргааны хэргийн анхан шатны шүүхийн шүүгч Л.Өлзийжаргал, Дорноговь аймаг дахь Захиргааны хэргийн анхан шатны шүүхийн шүүгч С.Отгонтуяа нар 2022 оны 01 дүгээр сарын 24-ний өдрөөс эхлэн тус шүүхэд ажиллахаар ажлаа хүлээн авлаа.