Шүүхийн ерөнхий зөвлөлийн даргын 2022 оны 03 дугаар сарын 28-ны өдөр баталсан “Шүүхийн ерөнхий зөвлөлийн ажлын хэсэг анхан болон давж заалдах шатны шүүхийн үйл ажиллагаатай танилцах удирдамж”-ийн дагуу Шүүхийн ерөнхий зөвлөлийн гишүүн Н.Баасанжав, гишүүн А.Отгонцэцэг, Шүүхийн захиргааны хүний нөөцийн газрын дарга Н.Ганбаатар нарын бүрэлдэхүүнтэйгээр 2022 оны 04 дүгээр сарын 04-ний өдөр тус шүүхийн үйл ажиллагаатай танилцлаа.

Ажлын хэсгээс удирдамжид заасны дагуу тус шүүхийн байр, шүүх хуралдааны танхим, шүүгч, шүүхийн захиргааны ажилтнуудын албан өрөө, тасалгаа, ажиллах орчин, нөхцөлтэй танилцсан бөгөөд Шүүхийн ерөнхий зөвлөлийн гишүүдээс хэрэгжүүлж буй бодлогын талаар, тус шүүхийн Ерөнхий шүүгч Ц.Батсүрэн, Тамгын газрын дарга Н.Батхүү нараас шүүх, тамгын газрын үйл ажиллагааны талаар тус тус танилцуулж, шүүгч, захиргааны ажилтан нараас тулгамдаж буй асуудлын талаар харилцан яриа өрнүүлж, санал бодлоо солилцсон юм.

                                            НИЙСЛЭЛ ДЭХ ЗАХИРГААНЫ ХЭРГИЙН АНХАН ШАТНЫ ШҮҮХИЙН ТАМГЫН ГАЗАР