Монголын Хуульчдын холбооноос жил бүрийн 05 дугаар сарын 01-ний өдөр "Хуульчийн про боно" өдөрлөгийг бусад хуулийн байгууллагуудтай хамтран зохион байгуулдаг уламжлал тогтсон.
Энэ жилийн хувьд “Хүүхдийг гэмт хэргээс урьдчилан сэргийлэх нь та бидний үүрэг” сэдвийн хүрээнд зохион байгуулж байгаа бөгөөд Нийслэл дэх Захиргааны хэргийн анхан шатны шүүхээс 2022 оны 04 дүгээр сарын 29-ний өдөр нийслэлийн Д.Сүхбаатарын нэрэмжит 2 дугаар сургуулийн 10 - 12 дугаар ангийн сурагчдад тус шүүхийн шүүгч Т.Мөнх-Эрдэнэ Захиргааны хэргийн шүүхийн талаар ерөнхий ойлголт, мэдээлэл өгч чөлөөт ярилцлага хийж сонирхсон асуултад хариулт өглөө. Мөн шүүхийн Тамгын газраас сурагчдад шүүхийн байр, хуралдааны танхим, бүтэц, зохион байгуулалттай танилцууллаа.