Туршилтаар

Шүүгчийн захирамжийн дугаар: 128/ШЗ2021/9597

Хүчин төгөлдөр болсон.

      Иргэн Батаас өмгөөлөгч Дэндэвийг хууль болон Өмгөөлөгчийн ёс зүйн дүрмийг зөрчсөн гэж Монголын өмгөөлөгчдийн холбооны Мэргэжлийн хариуцлагын хороонд гомдол гаргасныг тус холбооны Мэргэжлийн хариуцлагын хороо хянан үзээд, өмгөөлөгч Дэндэв нь хууль болон Өмгөөлөгчийн ёс зүйн дүрмийг зөрчөөгүй бөгөөд иргэн Батын гомдол үндэслэлгүй гэж шийдвэрлэжээ.

       Иргэн Бат нь Монголын өмгөөлөгчдийн холбооны Мэргэжлийн хариуцлагын хорооны дээрх шийдвэрийг эс зөвшөөрч, Нийслэл дэх Захиргааны хэргийн анхан шатны шүүхэд хандан гомдол гаргасан байна. 

  Хуульд зааснаар өмгөөлөгчийн мэргэжлийн ёс зүйн асуудлаарх гомдлыг Монголын өмгөөлөгчдийн холбооны Мэргэжлийн хариуцлагын хороонд, тус хорооны шийдвэрийг эс зөвшөөрвөл уг шийдвэрийг гардан авснаас хойш 30 хоногийн дотор Захиргааны хэргийн давж заалдах шатны шүүхэд тус тус гомдол гаргахаар заасан байдаг.

     Энэ тохиолдолд, шүүх нь тухайн шүүхийн харьяаллын бус гомдол, нэхэмжлэлийг хүлээн авахаас татгалзах үүрэгтэй тул Нийслэл дэх Захиргааны хэргийн анхан шатны шүүхийн шүүгчийн захирамжаар иргэн Батын гомдлыг хүлээн авахаас татгалзаж шийдвэрлэв.

Хураангуй бэлтгэсэн: Нийслэл дэх Захиргааны хэргийн анхан шатны шүүхийн шүүгч Т.Мөнх-Эрдэнэ