Шүүхийн Ерөнхий зөвлөлийн даргын 2022 оны 09 дүгээр сарын 08-ны өдрийн 199 дүгээр тушаалаар батлагдсан “Анхан болон давж заалдах шатны шүүхийн тамгын газар хэргийн хөдөлгөөний удирдлагын чиг үүргээ хэрэгжүүлж буй байдалд дүн шинжилгээ хийж, шалган туслах удирдамж”-ийн дагуу Шүүхийн ерөнхий зөвлөлийн Мэдээлэл технологийн газрын Хэргийн хөдөлгөөний удирдлагын хэлтсийн дарга Э.Амарсанаагаар ахлуулсан ажлын хэсэг тус шүүхийн Тамгын газарт ажиллаа.

Ажлын хэсгээс тус шүүхийн Тамгын газрын Хэргийн хөдөлгөөний  удирдлагын чиг үүргээ хэрэгжүүлж буй байдалд хяналт шинжилгээ хийж, шалган тусалсан бөгөөд цаашид авч хэрэгжүүлэх арга хэмжээг тодорхойлов.

Мөн нийт албан хаагчдын дунд тулгамдаж буй асуудлын талаарх санал, сэтгэгдлийг сонсож, Шүүхийн ерөнхий зөвлөлийн удирдлагуудад уламжлахаа илэрхийлэв.

НИЙСЛЭЛ ДЭХ ЗАХИРГААНЫ ХЭРГИЙН АНХАН ШАТНЫ ШҮҮХИЙН ТАМГЫН ГАЗАР