Нийслэл дэх Захиргааны хэргийн анхан шатны шүүхийн Тамгын газар 2022 оны жилийн эцсийн үйл ажиллагааны тайлангаа Анхан болон давж заалдах шатны шүүхийн Тамгын газрын үйл ажиллагааны нийтлэг журмын 11 дүгээр зүйлийн 11.2 дахь хэсэгт заасны дагуу 2022 оны 12 дугаар сарын 09-ний өдөр танилцууллаа.

Тайлангийн хуралд тус шүүхийн Ерөнхий шүүгч, шүүгчид, шүүхийн Тамгын газрын ажилтнууд оролцсон бөгөөд тус шүүхийн Тамгын газрын дарга Н.Батхүү шүүхийн Тамгын газрын 2022 оны үйл ажиллагааны ололт амжилт, ирэх 2023 онд ажиллах бодлого, чиглэлийн талаар танилцуулж, шүүхийн үйлчилгээний хэлтсийн дарга Н.Амаржаргал, шүүхийн зохион байгуулалт хариуцсан мэргэжилтэн Н.Отгонбуян, ахлах нягтлан бодогч Ц.Дариймаа, шүүхийн мэдээлэл технологийн мэргэжилтэн Б.Мөнхсоёл нар тус тусын ажлын чиг үүргийн дагуу бүтэн жилийн ажлаа тайлагнан шүүгч, шүүхийн захиргааны ажилтнуудын дунд хэлэлцүүлэв.

    2022 онд хийж хэрэгжүүлсэн ажил болон цаашид анхаарч ажиллавал зохих асуудлуудын талаар шүүгч ажилтнууд санал, бодлоо солилцож Ерөнхий шүүгч, шүүгч нарын зүгээс Тамгын газрын үйл ажиллагааг хангалттай сайн ажилласан гэж дүгнэсэн юм.

НИЙСЛЭЛ ДЭХ ЗАХИРГААНЫ ХЭРГИЙН АНХАН ШАТНЫ ШҮҮХ