Нийслэл дэх захиргааны хэргийн анхан шатны шүүхийн 2022 оны бүтэн жилийн шүүн таслах ажлын тайлангийн хурал 2022 оны 12 дугаар сарын 23-ны өдөр боллоо.

      Тайлангийн хуралд Ерөнхий шүүгч, шүүгчид, Тамгын газрын дарга, шүүхийн захиргааны ажилтнууд оролцсон ба шүүн таслах ажлын тайланг Ерөнхий шүүгч Н.Дуламсүрэн танилцуулж, тайлангийн дүнг нийт шүүгч, захиргааны ажилтнуудын дунд хэлэлцүүлж, цаашид анхаарах асуудлаар харилцан санал бодлоо солилцлоо.

     Шүүн таслах ажлын тайлангийн төгсгөлд ерөнхий шүүгч Н.Дуламсүрэн “2022 онд өмнөх онтой харьцуулахад хүлээж авсан хэрэг 150 буюу 9.6%-аар шүүхээс шийдвэрлэсэн хэрэг 81 буюу 7.6% аар тус тус өссөн эерэг тоон  үзүүлэлтүүд гарсан. Шүүхийн гол үйл ажиллагаа болох шүүн таслах ажиллагаанд ийнхүү  ахиц, дэвшил  гарсан нь  шүүхийн Тамгын газар, тэр дундаа  шүүхийн туслах, шүүх хуралдааны нарийн бичгийн дарга, шүүхийн захиргааны ажилчдын оролцоо их хувь нэмэр үзүүлснийг цохон тэмдэглэмээр байна.” хэмээж энэ онд шүүн таслах ажиллагаанд олсон ололт амжилтаа бататгаж, ирж буй ондоо ажлын өндөр амжилт гаргахыг хүсэн ерөөж тайлангийн хурал өндөрлөлөө.

НИЙСЛЭЛ ДЭХ ЗАХИРГААНЫ ХЭРГИЙН АНХАН ШАТНЫ ШҮҮХ