Нийслэл дэх Захиргааны хэргийн анхан шатны шүүхийн Тамгын газарт шүүх хуралдааны нарийн бичгийн дарга ажилтай А.Мэргэндарь нь  Олон Улсын Таеквон-догийн Монголын холбооноос 2023 оны 01 дүгээр сард зохион байгуулсан  Монголын Үндэсний Их Сургуулийн нэрэмжит "MNU TEAM CHAMPIONSHIPS 2023" Монгол Улсын аварга шалгаруулах тэмцээний сорил тэмцээнд  насанд хүрэгчдийн хар бүс 1 данн төрөлд амжилттай оролцож алтан медаль хүртлээ.

     А.Мэргэндарь нь 2008 оноос олон улсын таеквон-догийн “Чоно клуб”-т хичээллэж байгаа бөгөөд хар бүс 1 данн (зэрэг), спортын мастер цолтой, Ази тивийн аваргын хошой хүрэл медаль, Олон улсын аварга шалгаруулах тэмцээний хошой мөнгөн медаль, Монгол Улсын аварга шалгаруулах тэмцээний 8 удаагийн аварга, 2015, 2017 оны шилдэг тамирчин залуу юм.

     Шүүхийн хамт олны зүгээс баяр хүргэж, ажил, спортын өндөр амжилт хүсэн ерөөе.

  НИЙСЛЭЛ ДЭХ ЗАХИРГААНЫ ХЭРГИЙН АНХАН ШАТНЫ ШҮҮХИЙН ТАМГЫН ГАЗАР